011214﹣迴避與兆尊爭行姐報道 謝天華只顧講醫肚

yukina 07-08-2013

昨日有報道謝天華跟鄧兆尊爭陳彥行,記者在電視城的化妝間巧遇謝天華,問他有何回應時,天華說:「飯都食咗咯,仲唔去註冊咩!到時 (叫記者) 飲多杯囉! (你同女朋友註冊抑或同邊個註冊呀?) 梗係女人啦,唔通男人咩!同男人唔合法㗎,你估我係小春咩,識佢咁耐都唔知佢搞基添!哈哈。 (有冇同女朋友講?) 有,得啖笑囉。 (會唔會避忌?) 避咩!都要食飯㗎,有時同阿媽食,有時同家姐食。」天華這番說話令記者摸不著頭腦,似乎是在迴避問題。
此外,在化妝間的趙學而手執報紙狂笑,笑言支持他們拗手瓜,自己則坐在一旁看戲。問到學而覺得行姐欣賞兆尊有財勢抑或欣賞天華夠高大?學而說:「行姐絕唔會欣賞兆尊嘅財勢,係欣賞佢似爸爸咁細心,天華就識搞氣氛,嘻嘻哈哈嗰隻,我唔知佢會點揀,又唔係我揀。 (行姐好多人追噃,你呢?) 呢啲咪運囉,我起碼三年後至有呢啲運,依家都有人追㗎,但三年後至會認真揀。」文、圖:奇利