031105﹣無綫厲行守時每朝9點半簽到謝天華趙學而被開刀遭雪藏

yukina 10-08-2013

Source:星島日報
無綫整肅紀律要求員工準時返工,因涉及不固定時間返工的製作部而引起怨聲載道,雖然無綫講明不會秋後算帳,但《皆大歡喜》的謝天華和趙學而卻因遲到而遭雪藏!
無綫自搬入將軍澳電視廣播城後嚴肅紀律,早前張貼內部通知要求文職人員準時返工,製作部員工則不包括其內。不過近日火頭已蔓延至製作部,員工被要求早上9時半返廠簽到,此舉令製作部大表不滿,有人主動向傳媒吐苦水伸冤!
曾醒明解畫冇秋後算帳
據不願透露姓名人士稱:「電視台是特殊行業,尤其製作部返工、放工的時間不固定,深夜收工翌日又要求09:30開工,根本不可能!但大家為保飯碗敢怒而不敢言,唯有向傳媒伸訴希望引起關注!」無綫外事部助理總監曾醒明對此則回覆說:「簽到只限部分人士!」
曾醒明續謂:「部分人士包括前一晚不用開工、翌日又只需負責籌備工作的員工,須於09:30返公司簽到。但若前一晚要開工,翌日晚上又要開工的,便毋須簽到。其實簽到只是一個紀錄,目的是為整肅紀律,並不存在秋後算帳!」
不過早前《皆大歡喜》的謝天華和趙學而卻因屢犯遲到而被雪藏!昨日天華談及此事忍不住自嘲:「我才剛溶雪!」林文龍也笑他:「天華寒氣逼人!」對於遲到原因,天華解釋,因早前和學而每日都大清早開工、三更半夜收工之故。
天華稱:「處境劇每天都要開工,不像其他劇集拍完有得休息,我們要長期作戰!」趙學而對事件則不願回應,要苑仔代言:「總之學而現在好開心,其他是非就不回應了!」-----------------------------------------------------------------------------------------------------------------------------
紅的原因
Source:星島日報
依家啲藝人,如果再唔守紀律,真係好容易畀人淘汰。好似《皆大歡喜》嘅趙學而同謝天華,好哋哋失蹤咗一輪,最近終於出番鏡,睇嚟有關方面已經畀咗一啲教訓兩位,希望以後守吓紀律。
其實做藝人對時間觀念都好薄弱,遲到係因為辛苦唔夠瞓,總之理由多多,不過睇番呢個圈啲長青樹、阿姐級,守時到嚇死人,汪明荃逢親做嘢都早到半小時,鄭裕玲連食飯都堅持自己係最早到嗰個,周潤發亦係永遠早到10分鐘,總之係佢哋駕馭時間而唔係被分秒玩弄,難得係未紅已經有自律觀念,好識尊重人,呢啲人注定係有回報,紅係因為識得尊重自己嘅職業同拍檔!

yukina 10-08-2013

紅的原因
Source:星島日報
依家啲藝人,如果再唔守紀律,真係好容易畀人淘汰。好似《皆大歡喜》嘅趙學而同謝天華,好哋哋失蹤咗一輪,最近終於出番鏡,睇嚟有關方面已經畀咗一啲教訓兩位,希望以後守吓紀律。
其實做藝人對時間觀念都好薄弱,遲到係因為辛苦唔夠瞓,總之理由多多,不過睇番呢個圈啲長青樹、阿姐級,守時到嚇死人,汪明荃逢親做嘢都早到半小時,鄭裕玲連食飯都堅持自己係最早到嗰個,周潤發亦係永遠早到10分鐘,總之係佢哋駕馭時間而唔係被分秒玩弄,難得係未紅已經有自律觀念,好識尊重人,呢啲人注定係有回報,紅係因為識得尊重自己嘅職業同拍檔!