170618 - 苗僑偉拖實老婆開生日P

yukina 22-06-2017

http://hk.on.cc/hk/bkn/cnt/entertainment/20170618/bkn-20170618195722085-0618_00862_001.html
生日快樂!今日係苗僑偉(三哥)生日,一班朋友為他祝賀搞生日派對,他與太太戚美珍、兒子及數名友人一同現身,苗僑偉拖住太太,問到生日願望?他表示:「想乜都順順利利,想《飛虎》都拍得順利。(阿女呢?)佢未返呀!(送乜父親節禮物畀你?)送花!」
而謝天華與太太亦相繼到場,問到送甚麼禮物給三哥?他表示:「送啱佢使嘅嘢!」



【生日快樂!】三哥59歲牛一望順利 高海寧鄧智偉前後腳現身到賀
http://hk.apple.nextmedia.com/enews/realtime/20170618/56845829
今日係苗僑偉(三哥)嘅59歲生日,繼收到「帥到世界盡頭」嘅生日蛋糕後,今晚三哥去到灣仔駱克道群策大廈一間食肆開生日會。
喺晚上7點15分左右,鄧智偉同組合As One成員Shin一齊現身,見鄧智偉手持一支酒到場。喺佢哋上樓5分鐘後,輪到高海寧(高Ling)到場,有記者話佢個緋聞男友鄧智偉到咗冇耐,問高Ling係咪特登前後腳出現,佢先係呆一呆,然後否認話:「冇呀!」再問佢知唔知對方到場,高Ling話唔知。問到佢送咩禮物畀三哥,高Ling懶神秘話唔講得住,然後就上樓。
到咗7點半,三哥同老婆戚美珍及兒子現身,問佢有咩生日願望,佢話:「順順利利啦,同埋拍緊嗰套《飛虎極戰》有好成績。」再講到今日係父親節,有冇收到個女送禮?三哥話:「收到花,因為個女喺外國,所以今晚冇嚟。」
到7點40分,謝天華同老婆Tina到場,之後輪到馬德鐘及太太,不過馬神落車時咁啱落緊大雨,兩人顯得狼狽;而樂易玲喺近8點帶埋兩個仔到場賀三哥。到稍後時間,吳卓羲、張兆輝夫婦、黃宗澤同曾志偉等亦先後到場,參加三哥生日party。


【三哥生日P】傳天華追女成功 老婆Tina肚微隆
http://hk.apple.nextmedia.com/enews/realtime/20170619/56847196
三哥苗僑偉59歲生日,一向圈中好友甚多,噚晚喺灣仔駱克道群策大廈一間食肆開生日會,高海寧同鄧智偉呢對緋聞情侶玩前後腳現身。
佢哋亦冇一齊走,凌晨12點10分左右,樂易玲坐鄧智偉部benz走人,隔咗10分鐘,謝天華同老婆Tina一齊走,天華喺過馬路嗰陣,細心拖住老婆,相當小心,早前傳Tina有咗,今次佢着上平底鞋同鬆身衫,今次見Tina身型好似再圓潤咗啲,有少少凸肚。
此外,凌晨12點半,陳蕊蕊同朋友經過門口,就問在場記者點解咁多人守候,被問三哥生日,佢係唔係上去?陳蕊蕊話:「唔係噃,唔關事嗰噃!」之後似係同一班朋友上去飲嘢。


天華拖凸肚老婆
http://hk.apple.nextmedia.com/entertainment/art/20170620/20062392
至於一直有傳49歲謝天華想追多個女,湊個好字,佘詩曼早前生日在facebook直播,謝天華太太Tina向她講生日快樂,阿佘回應她時口快快說:「係唔係唔可以亂講嘢?係咪有啲『秘密』唔講得住?」大爆謝家再有喜!
天華前晚和Tina出席三哥苗僑偉在灣仔舉行的生日飯局,離開時他被影到小心翼翼扶老婆過馬路,Tina明顯肚凸凸及圓潤不少,而在截稿前天華未有回覆。


苗僑偉生日風騷唱唔停
http://std.stheadline.com/daily/news-content.php?id=1618620&target=2
(星島日報報道)苗僑偉(三哥)在圈中人緣極佳,三嫂(戚美珍)臨時物色到地方,前晚為三哥安排生日派對,數十位老友收到Call人到禮到十分畀面,三嫂更大爆三哥好High,雖不是歌星但當正自己是歌星,全晚在台上唱不停,她見到三哥開心,自己更開心!
前晚三哥和三嫂、兒子,與圈中好友曾志偉、黃宗澤、吳卓羲、謝天華、馬德鐘、張兆輝及高海寧等開派對慶祝59歲生日,三哥很多謝三嫂送這個歡樂開心的生日派對給他。前兩年他在內地工作,一班打高爾夫球的老友很有心,專程到內地為他慶生,最近則要拍攝網劇《飛虎極戰》,原本沒打算搞派對慶祝生日,但很多老友打電話來問,三嫂因識得場地的老闆即臨時臨急安排。三哥今年生日適逢父親節,女兒越洋送花,兒子送神秘禮物。問他的生日願望會否希望飲女婿或新抱茶?他說仔女自有分數,後生仔女拍拖要好好溝通,結婚問題急不來。
有不少網民讚三哥有型keep得好,三嫂戲言:「大家都讚他,三哥信晒網民的說話,當正自己40歲好招積。不過對他來說是一種動力,在幕前工作不可偷懶,而且心境最重要。」三哥就覺得年齡只是一個數字,問他明年「登陸」可會擺大壽?三哥笑笑口說不會,反而會好低調。
另外,黃宗澤與羅志祥、韓國男團EXO的中國籍成員Lay為內地節目《極限挑戰》,昨日在廟街拍攝,嘉賓黃宗澤拿着行李箱跑來跑去進行任務。


兒子女友曝光戚美珍讚乖
http://www.orientaldaily.on.cc/cnt/entertainment/20170620/00282_032.html
藝人苗僑偉(三哥)昨日59歲生日,親友為他大搞派對賀壽,三哥兒子苗晉、太太戚美珍、曾志偉、張兆輝夫婦、謝天華夫婦等在晚上7時開始陸續到場。派對舉行期間,苗晉突然步出大廈接待一名異性,原來是其女友Jasmine,她帶着一支茅台酒到來送給三哥,但當時苗晉未有承認Jasmine是女友。
管接管送
大約晚上11時30分,三哥的好友們陸續離開。派對尾聲,體貼的苗晉知道天雨路滑,立即展現出紳士風度,護送女友Jasmine搭乘的士離開,管接管送,果然是廿四孝男朋友。戚美珍受訪時表示苗晉女友Jasmine好乖:「好好呀,年輕人拍拖係好個人嘅事,我哋都冇咩意見,佢哋一齊喺加拿大讀書,好乖。」另外,佘詩曼早前生日玩直播,爆謝天華太太Tina有秘密唔講得,暗示有喜。前晚Tina穿鬆身裙肚凸凸到場,孕味極濃!對於老婆傳有孕,天華受訪時笑言:「有冇睇錯咗呀?我就肚凸凸,我就食肥咗!」