1711225 - 吳志雄60大壽晚宴相關報導

yukina 26-12-2017

夠晒排場!吳志雄60大壽星光熠熠
http://hk.on.cc/hk/bkn/cnt/entertainment/20171225/bkn-20171225225005783-1225_00862_001.html
藝人吳志雄60大壽,家人為他於尖沙咀一間酒店筵開30圍宴請親友,圈中人包括蔡卓妍、唐詩詠、張文慈、麥家琪、泳兒、謝天華、張達明、盧惠光等紛紛現身,古天樂更低調進入會場,未有停歩拍照受訪,場面相當熱鬧。
壽星吳志雄穿梭場內招呼賓客。開席前他接受訪問表示:「本身低調唔想搞嘅,但家人尤其係太太話一定要,一世一次喎,節目流程就由幼女Donna籌劃,而現場嘅壽星公同舞龍表演,就係班好兄弟安排嘅。(有乜生日願望?)世界和平,大家都開開心心啦。我希望每日有工作又可以周圍行睇吓風景咁,既可唱歌又拍戲。」他又指身上綠葉圖案的西裝由太太負責訂製:「佢知我心意,我係電影界綠葉王。」
至於張文慈到場時看似精神不錯,但她自爆已幾日冇瞓:「因為頻頻返內地做嘢,今朝仲趕入喜靈洲探訪男子戒毒所,傳道同唱聖詩。(好受歡迎?)佢哋好畀面,我開心到喊,希望下次可以探埋女子嗰邊。(過肥年?)成年都係等呢啲日子咋。(咁有冇送咩生日禮物畀吳志雄?)封番封利是!」



「古惑仔」「反黑」為大佬B賀壽 吳志雄有6間餐廳:用來招呼朋友
https://www.hk01.com/%E5%A8%9B%E6%A8%82/144204/-%E5%8F%A4%E6%83%91%E4%BB%94-%E5%8F%8D%E9%BB%91-%E7%82%BA%E5%A4%A7%E4%BD%ACB%E8%B3%80%E5%A3%BD-%E5%90%B3%E5%BF%97%E9%9B%84%E6%9C%896%E9%96%93%E9%A4%90%E5%BB%B3-%E7%94%A8%E4%BE%86%E6%8B%9B%E5%91%BC%E6%9C%8B%E5%8F%8B
「Happy birthday to you,Happy birthday to you...」今日除了是聖誕佳節之外、還是大佬B吳志雄的榮壽之喜,64歲正日呢日假尖沙咀唯港薈舉行盛大生日會,現場星光熠熠有蔡卓妍(阿Sa)、梁烈唯、陳惠敏、李燦琛、謝天華、劉偉強夫婦、唐詩詠等等,閃光燈閃個不停。
身為主人翁的大佬B全程笑到見牙唔見眼,四周招呼賓客,開心到不得了。而眾所周知,吳志雄於1996年憑電影《洪興之江湖大風暴》飾演大佬B一角而走紅,當問到至今該角色不斷重演超過6次以上,有否厭倦或挑戰其他角色,他就表示:「其實,好多角色在大佬B角色中轉變,大佬B由古惑佬到現在講情義,最重要在入面帶到仁義、道義、順義三個義,希望觀眾在我電影學到咩叫道義。」
大佬B除了演戲了得之外,做生意都十分勁,至今在內地已有超過6間飲食餐廳,問到是否要發展飲食王國,他就表示不會:「飲食王國做唔到,我們只是私營做下生意仔。」大佬B又話自己識煮嘢食,講到會不會好似李家鼎咁拍翻個「估惑佬廚房」,他表示:「不會,永遠不會,自己性格做事方法來。因為我好喜歡現在工作,餐館都是開來招呼朋友。」講到今日大喜之日有咩願望,大佬B就希望所有兄弟姐妹們身體健康,每日都開開心心。


【60歲大壽】吳志雄自封「綠葉王」 望有更多機會拍電影
https://ol.mingpao.com/php/showbiz3.php?nodeid=1514268183944&subcate=latest&issue=20171226
吳志雄昨日在尖沙咀擺大壽,筵開30圍廣宴親朋慶祝其60歲生日,獲唐詩詠、張文慈、蔡卓妍、謝天華等圈中人到賀,古天樂則避過傳媒低調入場。志雄哥自言是電影界的綠葉王,希望未來日子能有導演多給他機會繼續做綠葉。