180410 - 謝天華宣布太太再度懷孕

yukina 20-04-2018

50歲再做老竇 謝天華宣布太太再度懷孕
http://hk.on.cc/hk/bkn/cnt/entertainment/20180410/bkn-20180410130138340-0410_00862_001.html
現年50歲藝人謝天華,與太太李天恩(Tina)結婚13年,育有三歲囝囝謝浩飛(天天)。二月先同天天慶祝生日嘅天華,估唔到好事打孖嚟,佢今日就喺微博晒出照超聲波相,開心宣布太太再度懷孕!
天華指今年屋企將會迎接新成員,仲好識做話辛苦晒老婆添,天華寫道:「今年將會迎接家裏的新成員,感恩感恩 天天要做哥哥了 也辛苦了媽媽。 I ️Love U ​​​​」不過佢就未有透露BB性別及預產期等。依家50歲再做老竇,真係恭喜晒天華喇!
其後,天華以電話回應東網表示:「過3個月啦,開心,感恩、努力、搵銀!」問到第二胎將是囝囝還是囡囡,他表示暫時未知,自己目前在廣州拍戲!問到拍完戲就返香港陪太太?他說:「過年之後都未停過,手頭上工作已經排到年尾,感激老婆辛苦多一次,第日送大禮補償!」



謝天華報喜!佘詩曼讚叻:戥佢哋開心
http://hk.on.cc/hk/bkn/cnt/entertainment/20180410/bkn-20180410193019531-0410_00862_001.html
藝人謝天華公布即將再為人父的喜訊,不少圈中好友都相當戥他高興,佘詩曼(阿佘)更即時於社交網留言讚他叻叻!阿佘接受東網訪問時開心地說:「前幾日去天華屋企,見到Tina(天華太太)好乖,好多嘢都唔食,我仲講笑咁話係咪有咗,當時佢兩個笑吓,點知見到今日公布,先知道真係有好消息,當然戥佢哋好開心。」
而天華好友洪天明亦第一時間恭喜兄弟,還問天華BB性別是男還是女,天明受訪時笑言:「佢都話未知,男同女都冇所謂,仔又可以同大嗰個一齊玩,好似我嗰兩個咁,最緊要係小朋友身體健康啫!」