请选择 进入手机版 | 继续访问电脑版
 找回密码  注册成為會員
热搜: 活动 交友 discuz
搜索

錦上天華

快捷导航
查看: 17|回复: 0

[新闻转贴] 171212 - 閻奕格演唱會報導

[复制链接]

1375

主题

5646

帖子

50613万

积分

管理员

留白...

Rank: 9Rank: 9Rank: 9

积分
506130694
发表于 2017-12-16 11:24:22 | 显示全部楼层 |阅读模式
千呼萬喚!閻奕格等足七年開騷變喊包

http://hk.on.cc/hk/bkn/cnt/enter ... 1213_00862_001.html

歌手閻奕格(Janice)在九展開騷,獲曾合作音樂劇《風雲》的謝天華、陳淑芬、馬榮成夫婦等人捧場。甫開始她以白色薄紗裝現身,以《我有我自己》、《我可以》等曲掀起序幕。她跟大家打招呼,笑一身造型似婚紗,嫁畀音樂,並謂:「冇諗過咁快喺香港再同大家見面,上次開騷都係上年一月嘅事,等咗7年等今日,等咗好耐,好多人以為我出咗道7年,但我仲覺得自己係新人,我15年先出第一首歌,等咗7年先出第一隻碟,今晚係正式做歌手嘅處女騷,好感動,頭先喺台下已經想喊,每次開騷或公開活動fans都會賭我會唔會喊,我會試下忍住,我唔係明星,只係一個普通女仔鍾意喺台上唱歌,今晚係溫馨嘅gathering,希望大家feel到溫暖嘅氣氛,我之前消失咗一排,多謝大家一直陪我。」之後唱出《只要你還在》,期間觀眾舉起牌應援。

接着她表示有人形容她前兩年是「浪費」:「我前5年唱歌嘅路係好順,好平,其實係好危險,我失去過先會更努力爭取,唔係個個都有機會,我仲要有兩次機會,等7年有人幫我出碟同開騷,多謝前幾年嘅低潮,知道苦後甘甜,回甘值得回味。」然後唱出陳奕迅(Eason)的《苦瓜》、《你給我聽好》等3首歌,她表示:「我喺香港讀中學第一首聽嘅廣東歌就係Eason嘅《Shall we talk》,覺得好好聽,發現原來廣東歌係咁好聽,我今晚都準備咗好多廣東歌。」之後唱出一連串經典廣東歌,如《傾城》、《假如讓我說下去》等。

然後嘉賓周柏豪出場合唱《一事無成》,唱完後兩人攬攬,柏豪笑言兩人是多年的網友:「第一次見佢係喺個頒獎禮,佢做表演嘉賓,唱咗鄧麗君嘅歌,好似hi-fi咁好聽,所以我就記住佢個名,一直有留意佢嘅作品。」Janice亦謂兩人講了合作好耐,今次終於能成功,亦多謝柏豪抱病現身,之後柏豪扶Janice落台,並自嘲:「婚紗嘅嘢我有經驗,多數新娘係去換衫。」

然後換上黑色裝束的Janice上台,並想邀請一個男歌迷上台,觀眾即叫謝天華,但他卻怕醜耍手擰頭,接着她揀了一個男歌迷上台,為她唱《We don’t talk anymore》時伴舞,期間她主動向男歌迷拖手兼搭膊,觀眾即大叫,但一開始男歌迷避開,Janice即笑言:「過嚟啦。」觀眾大笑,之後男歌迷都變得放,同大家揮手,Janice亦多謝對方上台。唱到《崇拜》時,她坐在升高的椅子上,唱完後她自爆:「其實我怕高,之前綵排完我成隻手都係汗,但靚就值得。」唱到《我》時,她忍不住哭,唱完後她笑言:「我失敗了,終於哭了。」Encore環節,她唱出《也可以》及彭羚的《讓我跟你走》作結個唱,並謂希望之後可以在紅館跟大家見面。










閻奕格披「嫁衣」開騷大膽唔打底

http://orientaldaily.on.cc/cnt/e ... 1214/00282_024.html

閻奕格前晚在九展開騷,穿白色「婚紗」的她笑言內裏「乜都唔着」,想起歌迷支持時更感動落淚。她邀得型男周柏豪做嘉賓,笑言兩人是多年網友,希望之後有更多合作機會。

歌手閻奕格(Janice)前晚在九展舉行《閻奕格我有我自己音樂會-香港站》,獲曾合作《風雲5D音樂劇》的謝天華、陳淑芬、馬榮成等捧場。她以白色通花裝束出場,笑言造型似婚紗:「上次開騷係上年一月嘅事,我等咗7年先出第一隻碟,今晚係正式做歌手嘅處女騷,好感動。」她重提之前患抑鬱症及內分泌失調,消失樂壇一段時間:「有人形容我前兩年係浪費,我前五年唱歌嘅路係好順,但其實係好危險,我失去過先會更努力爭取,多謝前幾年嘅低潮,令我知道苦後甘甜。」之後唱出一連串廣東歌《苦瓜》及《傾城》等。

男歌迷怕醜
之後嘉賓周柏豪出場,與Janice合唱《一事無成》。柏豪笑言與對方是認識多年的網友:「第一次見佢係喺頒獎禮,佢做表演嘉賓,唱得好好聽,所以我就記住佢個名,一直有留意佢啲作品。」Janice亦多謝柏豪抱病現身,之後柏豪扶她落台時笑言:「婚紗嘅嘢我有經驗。」換上黑色裝束的Janice再次上台,並邀請一名男歌迷上台伴舞,期間她主動拖男歌迷的手兼搭膊,但對方避開,Janice即笑言:「過嚟 啦。」引得觀眾大笑。當她唱《我》時忍不住落淚,最後以《讓我跟你走》作結尾。

Janice騷後在後台接受訪問,自爆白色「婚紗」裙很性感:「本身係有件底衫,但最後決定乜都唔着,喱士下面直接就係Bra。我未試過,冇諗過咁大膽上台。」

希望再次合作
講到在台上落淚,Janice表示:「因為我之前失去過,驚好少人記得我,又驚冇咁多人想聽我唱歌,所以多謝各位陪住我,就算歌迷三年前見到我病咗肥到七十五公斤,但都話要聽我唱歌,所以有佢哋喺度我就會唱。」她又稱與柏豪一見如故:「我哋都講咗好耐合作,但一直冇機會。(搵柏豪作歌畀你?)想呀,今日係第一步,之後希望有更多合作。」






閻奕格音樂會 「網友」周柏豪做嘉賓合唱有默契

https://news.mingpao.com/ins/ins ... 00007/1513176362842

閻奕格昨晚於九展舉行音樂會,陳淑芬、謝天華、馬榮成等捧場。閻奕格分別穿著白色喱士裙及閃石黑色連身服演出,今次是她推出個人專輯後首次個人音樂會,終於可以唱屬於自己的歌曲給大家欣賞。她在翻唱廣東歌環節中演繹偶像陳奕迅的《苦瓜》和《你給我聽好》外,她選唱楊千嬅的《假如讓我説下去》、容祖兒的《逃避你》、許志安的《教我如何不愛他》等對她影響甚深的廣東作品。

她邀請周柏豪擔任特別嘉賓,柏豪出埸即有很多女士尖叫,兩人合唱《一事無成》。原來他們是網友,多年前在港台頒獎禮碰面後,一直透過互聯網聯繫。雖然第一次合唱,但很有默契,掀起高潮。








本帖子中包含更多资源

您需要 登录 才可以下载或查看,没有帐号?注册成為會員

x
回复

使用道具 举报

您需要登录后才可以回帖 登录 | 注册成為會員

本版积分规则

手机版|錦上天華  

GMT+8, 2018-1-18 19:51 , Processed in 0.270884 second(s), 26 queries .

Powered by Discuz! X3.2

© 2001-2013 Comsenz Inc.

快速回复 返回顶部 返回列表